نكت تجنن هتضحكوا اوىىىىىىىىى

دى نكت حلوة اوى ارجو الردود
وكل واحد يقول اية اكتر
نكتة عجبتة

1- مرة واحد محشش لقى كنز فقال : كويس فاضل الخريطة

2- مرة واحد غبى بيدق مسمار فالحيطة فوقع قال للمسمار تعالى مجاش قالة تانى تعالى مجاش فجاب شوية مسامير ورماهم علية وقالهم هاتوووووووه

3-مرة واحد مسطول قابل واحد فبيقولة هى الساعة كام قاله خمسة وخمسة فرد علية المسطول وقاله متعرفش تقول عشرة وخلاص

4-مرة واحدة بتقول لجوزها ودينى المستشفى ماما هناك وعندها حالة تسمم قالها اكيد بلعت لسانها غلط

5-مرة حماة أرادت اختبار ازواج بناتها فأخذت الاول وعملت نفسها اتزحلقت فى البحر فنزل وراها وانقذها فتانى يوم وجد عربية بيجو مكتوب عليها هدية من حماتك وفعلت نفس الشئ مع الثانى واحضر لها الاسعاف فثانى يوم وجد عربية بيجو مكتوب عليها هدية من حماتك أما الثالث فتركها تغرق ففى اليوم التالى وجد عربية مرسيدس مكتوب عليها هدية من حماك

6-مرة واحد بيقول لخطيبتة انا كلمتى زى الساعة فبصتلة بغضب
قالها يعنى لابتقدم ولا بتاخر

7-مرة واحد هندى بيقول لواحد مصرى انتو لية مش إحرق جثة وبعدين إدفن فالمصرى قاله إحناإدفن جثة وبعدين ربنا إحرق

8-مرة واحد مراته ماتت فماشى فالعزا بيضحك اوى فواحد سأله بتضحك لية قاله اول مرة اعرف هى رايحة فين

9-مرة واحد بخيل عندة 3 تفاحات فتح الاولى لقى فيها دود فتح التانية برضة فيها دود وصل للتالتة طفا النور واكلها

10- مرة واحد كداااااااااب اوى جاله واحد صاحبة وقعد يقوله انا كان عندى امبارح ابولهب وحنظلة واتغدينا مع بعض فقاله انت كداب قاله وهكدب لية دة احنا كلنا على الطرابيزة دى فصاحبة مشى وكان هيتجنن مش مصدق وهو ماشى لقى ابن الراجل اللى كان عندة قاله صحيح ان حنظلة وابو لهب كانو مع باباك امبارح قاله بصراحة معرفش ياعمو بس انا امبارح لقيت موكب من كام ناقة كدة ومكتوب عليهم ملاكى قريش